انصحك
لا تغــــــــــــــش بدكَــــت الميزان
ميزان العـــــداله چـفوفـــــه مياله
تاخـذهـن اليـوم وهـنَ مثـل المــاي
... شما تغــرف يضلن بــــس الوشاله
ولا تصاحـب لئيــم وبيـه تامـن يوم
يراويك الذهـــــــب ويبيعك خشاله
وانصحك
لا تبــاوع علـــى اعراض النــــــاس
لأن عرضك يصير برخــص السحاله
جارك ثـــم جـارك اللـــه وصـه بهاي
تحفضه بغيبته وبالـــــــــــذات بعياله
ولادور نقص وتريد بــــــــــس توليه
تره عين الله صدكَ هيــــــــــه تبراله
ووصيك
بوصيــــــــــــــــه الغني لا تـماشيه
لأن تصير خــــــــــادم وانته تبراله
والحاكم اتركـــــــــه وابد لا تــــدناه
لان تخلــــص حياتك وانته اله ذياله
ولاتكيف سفرته عامــــــره وشتريد
ما تاكــــــــــــــل يخايب بس الفضاله
وافهم
صاحبك لـــــــــــــــو يوم تمشي وياه
وحــــــــــــــــــذر لا يغرك يوم بفعاله
صاحب ويـــــه صاحب دوم ينسب ليه
واحذر لا يغشك حلـــــــــــــــوه اقواله
بليس بكلمـــــــه حلوه يفرق الصحبان
يـگـله يباوع اختك چـــــــــــنهَ تحلاله
قلـل
بالســـــوالف واحـچـــــــي بالمضمـــون
لان حـچـي الجثيــــــــــر يصيـــر تجمالــه
واليكثر كلامــــــه اصير بيــــــه اخطــاء
أذاً ممكــــــن كلامـــــــه يصيـر چـتـــــاله
ولا صاحـــب غبــــي مايعــــــــرف التدبير
لأن ممـــــــــــــــــــكن يضرك يوم بخباله
واحذرك
لاتسولف ابـــــــــــــــــــــــد بالشينات
لان اصل البشر ينحكــــــــــــــــم بقواله
ولاتعله بكلامك فــــــــــــوگـ اهل الطيب
مكســــور الجنـــــــــــــــح ميريد تنواله
ولو سئلوك لا تشكيلهم عــــــــــــل عوز
لأن تصبح رخيـــــــــص برخص الحثاله
احذرك
لا تغــــــــــــــــــط بترس عينـــك نوم
لان چـــــــــــــفت حسابك غاد ميــاله
وعينك والاديـــــن شهود يصفــن ليك
لوضحكت فــــــــــــــرح لوعيـن هماله