السلام عليكم


نخوش في الموضوع:



اليوم التانى.. الجمعه.. الساعه 9 ص

والده محمد داخله تصحيه لقت ميزو مرمى عالكنبه ومحمد نايم عالسرير ومتانتخ

والده محمد: (راحت اتجاه محمد ابنها) واد يامحمد انت نايم عالسرير وسايب صاحبك مرمى عالكنبه كدا

محمد(قلق): ياماما النداله كنز لايفنى فكك منه وسيبينى انام

والده محمد : نداله ايه انت مابتفهمش فى الاصول اصلا

محمد: كنسلى نفسك بقى ونفضيله دا الاستهبال نعمه عظيمه:i

والده محمد: انت بتتعلم الكلام دا فين؟

محمد: شكل مالكيش اكونت فى بهدله وهاتقرفينى .. مش طالباكى عالصبح عاوز انام

والده محمد: قوم فز ياحيوان انت صحى صاحبك على اما احضرلكم الفطار وانا هاعرف ابوك بقله ادبك دى

محمد: (فى سره) والله لولا ندالتى معاه لكان زمانك داخله الصبح علينا بتتفرجى على فيلم ثقافى فى اوضتى


والده محمد خرجت من الاوضه تحضر الفطار ومحمد قام يصحى ميزو


محمد: (اصحى ابن الدزمه دا ازاى:0118:) .. واد ياميزووووووووووووووووووووو (بصوت عالى جداا فى ودنه)

ميزو :(قام مفزوع) ايــــــــــــــــــــــــــــــــــــــــــــــــ ـه

محمد : امك وابوك بيلعبوا كراتيه قوم يامزمز عشان تغسل وشك المعفن دا ونفطر قبل صلاه الجمعه

ميزو : ياعم احنا مش لسه مصليين الجمعه دى امبارح

محمد: ياعم دى كانت صلاه العيد

ميزو :هابى فلانتاين داى

محمد : البقيه فى حياتك :i.. قوم ياداغسل وشك وحصلنا على السفره عشان نفطر

محمد راح يصحى اخته ياسمين عشان تفطر معاهم

محمد: قومى ياياسمينا يالله عشان تفطرى

ياسمين : شيلنى ودينى عالسفره عشان مش قادره اقوم

محمد: نعم ياروح امك

ياسمين : بتقول ايه

محمد: نعم ياروح مامتك:i ... اشيلك ايه يابت ايه الدلع دا قومى يلا

ياسمين : هاتشيلنى ولا اروح اقول لماما عاللى شوفته امبارح (السيكو سيكو)

محمد:سيكو سيكو.. قربى قدامى دانتى شكلك بتفكرى تضربى النهارده

وشالها محمد من قفاها وداها تغسل وشها وراح رماها على كرسى عالسفره

دلوقتى والده محمد وياسمين ومحمد وميزو عالسفره بياكلوا

والده محمد: كلوا يالله ياولاد عشان تلحقوا صلاه الجمعه

محمد: ياماما لسه بدرى الساعه مجتش 10

ميزو : (يعيش دور المحترم) مافيهاش حاجه يامحمد لما نروح نقعد فى المسجد شويه قبل الصلاه

محمد : مساء الفل ياحبيبى ..

ياسمين: اهااا مسجد طب ربنا يوفقك بقى

ميزو: ههههههههه عسل ياسمين دى

ياسمين : صحيح الجبن سيد الميداليه:i

ويقوم محمد ووراه مامته عشان يغسلوا ايديهم

ياسمين : واد ياميزو ناولنى البيضه اللى فى طبقك دى

ميزو : واد ايه يابت انتى

ياسمين : مش عاجبك يامزمز ..اخلص هات البيضه بتاعتك دى

ميزو : حاضر ياانسه ياسمين بس هادى نفسك اتفضلى

ياسمين : عالم ماتجيش غير بالعين البمبى ..

محمد نده لميزو عشان يتوضوا

بعد ماخلصوا وفى طريقهم للمسجد



ميزو:(الشيطان بيزغزغه) بقولك ايه ياد ماتيجى نروح البلاى ستيشن لحد مالخطبه تبدأ.. البك جيمين عالسريع

محمد: تلبنى ..!! دانت زبوون ياله وكل مره ببهدلك

ميزو : طب يالا يامعلم وانا اقطعك

محمد: دا على اساس انك هتلاعب كمبياله (مد قدامى ياد نروح نسمع الخطبه من اولها

الله اكبر الله اكبر

اقامه الصلاه

وبعد ماسلموا وقاموا وفى طريقهم لبيت محمد


محمد: البروجرام هايبقى ازاى النهارده .. هانقضيها فين

ميزو: انا ليا مزاج نقضيها بنات .. ايه رايك

محمد: هانعاكس ولا نتصل بموزتين ييجوا يقضوا اليوم

ميزو: لا نعاكس ايه احنا فاضيين

محمد: خلاص اوكى بس فكر فى بنتين نضاف

ميزو: ويت يامعلم اما اتفق مع بنتين نايتى اممممممممـ


ميزو بيتصل بالمزز

ALo0o0o0o0o0o0o0o0o0o0o0o0o

سلمى: الوو

ميزو: وعليكم السلام .. ازيك ياقمر

سلمى: ازيك ياميزوووووووووووو واحشنى موت موت موت

ميزو : انتى اكتر والله اخبارك ايه انتى و بوسى

سلمى : اهى قاعده معايا ناو وكنا لسه بنفكر هانقضى الويك ايند دا ازاى

ميزو : خلاص ياقمر يبقى معايا انا ومحمد كنا بردوا محتارين نقضيه ازاى

سلمى : نايس اوكى انا وبوسى موافقين و سلملى على ميدو كتييير وقوله مابيسالش ليه الواطى دا

ميزو: دا هو اللى خلانى اكلمكوا ناو والله بيسلم عليكى وبيقولك (ماتشتميش ياجزمه:007

سلمى: ههههههههههههه اوكى قولى بقى هانروح فين؟

ميزو : هاعملك الو الساعه 7 نتفق عالمكان اوكى

سلمى: اوكى بيــــــــــــــــس يامان

ميزو يكنسل ويقول لمحمد على فين ياكبير

محمد: عالبيت يامزمز نتغدى احنا الاتنين وبى كيرفول من ياسمين

ميزو : واد يامحمد لاحسن تكون قالت لامك عاللى حصل

محمد: هو ايه اللى حصل يابن التايهه انت هاتدبسنى

ميزو : حرام عليك معندكش اخوات خشب .. بقى بعد ماتاخد غرضك منى تدينى مسد كول وماتتصلش بيا

محمد: هههههههههههههه طب يالله ياعم انا جعاان موووت

ميزو ومحمد فى طريقهم للبيت الساعه ناو 3:00 ظهرا

محمد فتح الباب لقى مامته بتجهز الغدا وباباه بيتفرج عالماتش وياسمين بتذاكر

محمد وميزو : السلام عليكم

ابو محمد: وعليكم السلام ازيكم يارجاله

ياسمين : ههههههههههههه واخد بالك ياميزو من رجاله دى:0015:

ميزو وشه احمر

ومحمد وقع عالارض من كتر الضحك

ابو محمد: فى ايه مالها ومالك البت دى ياميزو

ميزو: هههه لا مفيش ياعموا هى بتحب تهزر معايا دايما

ابو محمد: طب اقعدو شوفوا معايا الماتش لحد ما ام محمد تجهز الغدا مصر مقطعه الكاميرون

محمد: كام كام يابابا

ابو محمد: 2\0 اهو ربنا يكملها على خير

مذيع المباره وعمرو ذكى وجوووووووووول وجول وجول وجول الله عليك تسلم رجليك يابلدوزر

محمد وابو محمد وميزو : جوووووووووووووووول هيييييييييييييييه وقامو يطنططوا:0001::0001::0001:

ميزو: هو عمرو ذكى دا مركزه ايه:i

ابو محمد : بيلعب سنتر فرود

ياسمين تبص لميزو : ياخراااشى وكمان راس حربه هو انا ناقصه

ميزو : (يوشوش محمد) ياعم قوم حطها فى كيس بلاستيك بقى عشان مولعلكش فيها بجاز

والده محمد: يالا الغدا اتحط قوموا كلوا

قاعدين عالسفره (محمد , ميزو , ياسمين ,والد محمد , والده محمد)

والد محمد: (وهو بياكل) عاملين ايه فى المذاكره انا مش عاوز لعب خالص الايام دى

محمد: تؤ تؤ لعب ايه يابوب دونت وورى احنا مظبطين العمل عالاخر وبنذاكر:bd

ياسمين: ايوه يابابا دانا حتى دخلت عليهم امبارح:0070:

محمد وميزو بصوا لبعض ووشهم احمرX_X

ياسمين: لقيتهم بيسمعوا لبعض:i

محمد وميزو ياخدوا نفسهم(هوووف)

ميزو:(فرحان بيها) خدى ياياسمين ورك الفرخه دا

ياسمين: قامت داخله على ودنه وطبق الشيبسى اللى قدامك دا تطفحه لو دوقت منه واحده هاته

ميزو: (يبلع ريقه) ويزوق الطبق ليها ويبتسم اصل انا ماليش اكل مواد حافظه:i

والده محمد: لا ياحبيبى دانا عاملاه فى البيت بطاطس طبيعيه كل كل

ميزو : لالا مش عايز انا

والد محمد: ليه ياحبيبى لا كل بقى ماتحرجش مرات عمك ..ماتعزم على صاحبك يامحمد

محمد: اعزم على مين ماهو نازل فرم اهو ناقص يبلع بياسمين


كلهم ضحكوا وبعدين قاموا واحد ورا التانى يغسلوا ايديهم

ميزو بيكلم محمد


ميزو: واد يامحمد انا هاقلب انا عشان الحق اطقم كدا وهاعدى عليك عشان نروح للمزز

محمد: اوكى انا هاطلع الحته اللى عالحبل وهافضل عالويتينج لحد ماتيجى

ميزو: اوكى خلاص افتح الميل عشان اول ماخلص اعرفكink:

ميزو: (وهوخارج) مع السلامه ياعمو هاروح انا بقى اغير عشان رايح مشوار مع محمد

والد محمد:(بيهزر معاه) وانت جاى تاكل وتمشى ههههههههههه

ميزو: ماطنط معملتش عصير عشان اقعد

والده محمد: (من المطبخ) ماتقعد ياحبيبى انا خلصت العصير خلص اهو

ميزو: اوكى مانا جايلكوا تانى هو انا هاسيبكوا

ويخلع ميزو يروح يلبس ومحمد يدخل اوضته يلبس
الساعه ناو 6:00 المغرب

*****
ميزو خلص لبس وعمل Buzz لمحمد عالميل

محمد: ها يابوب فنشت

ميزو: اها هاعمل شعرى والبس التوتشى واجيلك فى منت

محمد:طب لما هو لسه بتتكلم ليه غور بقى فى مزه بعتالى ادد اما اشوف مين دى :i

ميزو: حبيبي



ميزو يروح جرى لمحمد يخبط ياسمين تفتحله

ياسمين: اهلا يا مزمز اتفضلى :p

ميزو: ماخلاص بقى يابت انتى هاتفضلى تشتغلى فى اهلى كدا

ياسمين: على اساس ان اهلك وظيفه خاليه

ميزو:انا ممكن اقول لاخوكى عاللى بتعمليه دا

ياسمين: وانا كمان هاقول لماما عاللى بالى بالك

ميزو: بالى بالك ايه يابت انتى هاتعمليلى فيها اللمبى

ياسمين: انا لمبى ..كدا طب ياماماااااااااااااااا

ميزو قام حاطط ايده على بقها هش هش خلاص انا اسف اسكتى

قامت عضاه

والده محمد: ايوه يايسمينا

ياسمين: ميزو ياماما جه وبيقولك فين العصير:0070:

والده محمد: هههههههه قوليله حاضر هاجيبله اهو وادخلى عرفى اخوكى ان ميزو جه

ميزو بيشرب العصير ومحمد جه من وراه خبطه على ضهره جامد .. منور يامان:007:

ميزو: (اتخض)ايه ياعم بيت الرعب اللى انا قاعد فيه دا

محمد: طب يالله يابو كف رقيق ننزل وكلم سلمى شوفها هانتقابل فين

ميزو ومحمد نزلوا واقفين فى الشارع وبيتصلوا بسلمى


ALo0o0o0o00o0o0o0o::

سلمى: الو ايوه ياميزو انا جاهزه وبوسى معايا

ميزو: اوكى نتقابل فى ماكدونالدز

سلمى: اوووووووووووووووكى مسافه السكه وهانكون هناك ماتتاخروش

ميزو : اوكى سلام

محمد وميزو وقفوا تاكسى وطلعوا عالجامعه فى طريقهم للمطعم

سواق التاكسى: على فين ياشباب

ميزو: ماكدونالدز اللى عالجامعه

السواق : شكلكوا طالعين على برمه يارجاله صح هههههههههه باين عليكوا هههههههه

محمد: برمه اتكل على الله ياسطى وكل عيش

السواق: الله لله ايه يا جنتل.. اصل شايفكم مطقمين ومتانتكين يبقى رايحين لبنات
انت عارف يابش مهندس انا بيركب معايا اشكال والوان من البنات دى بس عارف عمرى عمرى مابص لواحده منهم ..اه دانا فى اكل عيشى دا حتى ربنا مايباركليش.. معايا يابش مهندس

ميزو: (يهمس لمحمد) دا كائن كتيــــــــــن .. انا بتخنق من الناس الرغايه دى

محمد: خلاص تعالى نفصل امه ونشتغله

ميزو: حبيبى

السواق: يابش مهندس معايا فى الكلام

محمد: لا معاك فى التاكس ..ثوانى يااسطى اما اشوف الخواجه عاوز ايه؟

السواق: هو الاستاذ مش مصرى

محمد: لا ياعم انت مش شايف شعره عامل ازاى دا ايطالى ومابيعرفش يتكلم غير هندى

ميزو: This organism has a high degree of stupidity

محمد:(يترجم للسواق) ابسط ياعم بيقول عليك شخصيه عظيمه تمتلك قدر كبير من الذكاء

السواق(فرح اوى) اشكرهولى جدا يابو الكباتن وقوله انه منور مصر وماى كار لامؤاخذه

محمد:(يكلم ميزو)?What do we do with crazy son

ميزو:Nothing because he is dirty

السواق: ايه ديرتى دى بقى لامؤاخذه(شكلها شتيمه)

محمد: ديرتى دى يعنى ياسطى بالانجليزى:iعلى جنب بقى ياديرتى

ميزو: اوعى تضغط فرامل اصل المدام حامل

محمد وميزو نزلوا من التاكسى وهما مايتين من الضحك عالسواق

وداخلين المطعم لقوا بنات كتير

ميزو قال انا هارن عليها واعرف هى قاعده فى طرابيزه كام


::تررن تررن::

ALo0o0o0o00o0o0o0o::

سلمى: ايوه ياميزو احنا فى طرابيزه 7

ميزو: اوكى ياقمر شوفتكوا خلاص

محمد وميزو وصلولهم

سلمى: هاى ياميزو هاى يامحمد ازيك؟

محمد: تمام الحمدلله انتى عامله ايه... اهلا ازيك يابوسى

بوسى: الله يثلمك كنتوا واحثنى مووت

محمد: ماتثوفيث وحث ياعنيه:i

بوسى: ههههههههه ميرثى ليك

محمد: عامله ايه يابوثى فى الامتحانات

بوسى: الحمد لله معدث عندى غير مادتيين واخلث خالث

محمد: ربنا معاكى ياثكر ان شاء الله نثمع عنك اخبار تويثه

بوسى: بطل بقى مث تتريق عليا احثن ازحل منك

محمد: تؤ تؤ ماقدلث على زحلك ابتا

سلمى وميزو وبوسى بيضحكوا هههههههههههههههه


ميزو: تحبوا تاكلوا ايه عشان انا جعان مووت

محمد: انت مش لسه فارم عندنا عالغدا:007:

ميزو : ياعم ماختك قلبتنى فى الاكل اللى قدامى

سلمى: هههههههه دى ياسمين دى عسل

بوسى: اها انا بمووت فيها واحثانى اوى يامحمد ابقى قولها بوثى بتثلم عليكى كتيير

محمد: انا اول مابتيجى ثيرتك قدامها بتضحك ضحك

بتقولى بوثى صاحبتك تى لاثعه

ميزو : ههههههه طب يالله شوفوا هناكل ايه

سلمى: اوكى انا هاخد Mac Chicken

محمد: وانا هاخد تشيز برجر

بوسى: وانا ثندوتث ثوثيث بث عثان مث جعانه اوى


كلهم ضحكوا عليها و ميزو نده للجارسون عشان يعرفه بطلباتهم

الجارسون: اؤمر حضرتك

ميزو: ماك تشيكن وتشيز برجر وسندوتش سوسيس ومعاك واحد بيج ماك اسبايسى مخصوص ليا

الجارسون : حاضر يافندم ثوانى والوجبات تكون جاهزه

ميزو: بسرعه وحياه ابوك اصل الواحد واقع

ويحصل حوار طريف بين الاربعه وهما بيتعشوا

مطعم ماكدونالدز ..دلوقتى قاعدين بيتعشوا الساعه 7:30م

(محمد & ميزو & سلمى & بوسى)


محمد: ليه الفرخه بتقول كاك كاك ومابتقولش كوكو كوكو زى الديك؟

سلمى: ههههههه يمكن عشان هى انثى والديك ذكر

محمد: ايه الغباء دا طب مانتى انثى اهو ومابتقوليش كاك كاك

بوسى: لان الديك جمع مكوكو سالم

ميزو: طب ليه الكهربه قليله الادب؟

محمد: عشان فيها سلوك عريانه

سلمى وبوسى : هههههههههههههههههههه

سلمى: ليه بنتكلم كلام والكلام مابيتكلمش؟

محمد: لان الكلام مابيحبش يتكلم عن نفسه

بوسى: ليه بنثرب الميه مث بناكلها؟

ميزو: لان حرام نعض فيها

محمد: هههههههه طب انا هاقوم اغسل ايدى وجاى

بوسى: ويت ياميدو خدنى معاك انا ثبعت خلاث

محمد: ثبعتى ايه بث انتى كلتى حاكه اثلا دانتى ثايبه نث ثاندوتث الثوثيث بحاله :i


ميزو وسلمى وبوسى ضحكوا وبعدين قاموا هما كمان يغسلوا ايدهم

وخدوا ورقه الحساب ورايحين يحاسبوا وهما خارجين


ميزو: (يبص فى الحساب) واد يامحمد دا الحساب 97 ج ..

محمد: طب تعالى (وراحوا للكيس عشان يحاسبوا) محمد بيمد ايده فى جيبه

ميزو: خلاص يامحمد خليها عليا المره دى

محمد: لا ياجدع نزلها من عليك انا وانت واحد

ميزو: واحد من الناس

محمد: الناس والحياه

ميزو: الحياه حلوه

محمد:حلوه يابلدى

ميزو: بلدى ولا سكرى

محمد: سكرى زياده

ميزو: وانا بشربها ساده

المحاسب: خلاص يارجاله خلوها علينا احنا:0070:

محمد: ماتكسفوش ياميزو شيلها من على كتفى حطها عليه

ميزو: ياعم احسن تعملها وانت عارف بقالها يومين بتشرب فى عصير قصب

محمد: ياجدع ماتقولش كدا دى لابسه بامبرز بس اديهاله ماترجعش كلمه الراجل

المحاسب: هو الكلام على ايه يارجاله:0118:

ميزو: الكلام عالطرابيزه بس النفس عزيزه:i

المحاسب: طب الحساب 97 ج وفى 30 ج خدمه يبقى الحساب 147.0ج

ميزو: 147 جنيه .. هاعمل بيهم ايه ولا ايه ..

محمد: ايه ياعم ابو جريشه اللى بتقوله دا .. ابرز بـ 80 فلاشايه وانا هاكمل الباقى

ميزو: انا مش معايا غير 60 فلاشايه و اربع كروت ميمورى فكه كدا شايلهم لوقت عوزه

المحاسب: فلاشايه ايه وميمورى ايه انا عاوز الحساب بالمصرى

محمد: ايه ياحبوب وانت شايفنا هانحاسبك باليورو .. اهدى كدا خلى الراجل يعمل اسكان للهارد يشوف معاه قد ايه

ميزو: خلاص ياكبير لقيت معايا فى الفلوبى ديسك حوالى 120 سى دى هاصرفهم من الكبينه واجى

ميزو جاى مزقطط وماسك الفلوس وبيترسم بيهم قدام البنات:0001:

بوسى وسلمى :من بره ايه ياميزو بتعملوا ايه كل دا جوه يلا عشان اتاخرنا

محمد: هانكون بنعمل ايه يعنى ماتحترمى نفسك ماتجيبلناش مصيبه يلا ياعم حاسب انا مستنيك بره

وهما خارجين وبيتمشوا بقى وهايوصلوا بوسى وسلمى كل واحده لبيتها

الساعه دلوقتى 12.00 بالليل

دخلوا فى شارع هادى جداا ...لقوا اربع عيال بلطجيه طالعين يتراخموا عليهم

اسمائهم

(شقلطه & كبير العفرته & مرمطه & حزنقهم الاخنف)

ميزو ومحمد قلقوا والبنات خافت

ميزو:(يوشوش محمد) واد يامحمد هايبقى شكلنا وحش اوى لواضربنا قدامهم

محمد: يابن الدزمه انت خايف على شكلنا ومش خايف عالبنات


كبير العفرته: على فين يانجم انتو وهو:0070:

محمد: طالعين نقف فى السما

شقلطه: ايه ياسوسو مالك داخل سخن كدا:0070:

ميزو: اصله عنده برد من امبارح ومش لاقينله الدوا

محمد: (يوشوش ميزو ويخبطه) انت كدا بتشفرنى انا بروح اهلك

ميزو: (اه سورى) قصدى سخن من التمرين ولسه جاي من الجيم وعنده باور:0011:

مرمطه: طب ياعم ترابل اتش انت وهو الحريم دول يلزمونا:0070:

بوسى: احترم نفثك ياثافل انت حريم فى عينتينك مث ثايفنا بنات قطاقيط قدامك

ميزو: اثكتى انتى اثكتى بثوتك دا هاتطمعيهم فيكوا اكتر X_X

محمد: قام حاطط ايده عالمصيت بتاعهم (كبير العفرته) وواخده فى جمب وقاله

بص يادولى هاقولك كلمتين (يوم ماتفكر تمد ايدك على واحده منهم انا مش هاسمى عليك لان كدا كدا ميت .. مش هارضى اعيش يوم بعد مابت يدسلها على طرف وهى ماشيه معايا..)

يعنى لو عاوزها كدا يبقى فله ونقلبها مشاكل وياقاتل يامقتول وفى الحالتين انا وانت خسرانين لانى مش هاقولك بعدها متشكرين وامشى

الكلمه التانيه (انا والراجل اللى معايا دا معانا فلوس بكفايه يعنى نمشى البنات وانا وهو معاكوا تاخدوا الفلوس ومعانا كيف نظبط الدماغ واليوم هايقضى وهايبقى زى الفل )

فاشوف يابوب قرارك وانا تحت امرك فى الحالتين وخلى بالك محدش عويل فى حد

كبير العفرته: حلو الكلام ..لا دخلت دماغى ياد خلاص مشى حريمك

محمد: قشطه يابوب... ولا ياميزو وصل الجماعه عالشارع يركبوا تاكس يروحوا وتعالى انت تانى

حزنقهم الاخنف: بيقونوا ايه العيان دى ياكبين نسيبهم ينوحوا ولا نعمن ايه؟

كبير العفرته: سيبوهم سيبوهم دا هايفضل معانا

ميزو (فى حاله استغراب)خد سلمى وبوسى وطلع عالشارع يركبهم

كبير العفرته:(بيكلم محمد) ابرز بقى بالفلوس والكيف يامعلم

محمد: الحاجه مع الراجل التانى يابوب اما ييجى هانرستق الحوار ونشيهص الدماغ ماتقلقش

ميزو جاى بيقدم خطوه ويرجع خطوه طبعا بعد ماقعد يفكر انه يخلع ويسيب محمد المهم راحلهم

محمد: اهلا ياميزو انت جيت يلا بقى يامعلم نمشى سلام يارجاله

شقلطه: على فين ياكتاكيت:ar!

محمد: اهو نلحق نبات فى العشه

مرمطه: عشه ايه ياد انت هاتعملنا فيها فرخه

ميزو: طب سمعنى بيتك بيتك بيتك للفنان محمد سعد

كبير العفرته: انت كنت بتشتغلنى بقى وعاملنى كوره كفر وبتلعب بيا

محمد: وشوطت وجيبت جون كمان

ميزو: يبقى البلاغ واحد صفر ولينا ضربه جزاء عندك :i

حزنقهم الاخنف: يامعنم العيان دى بتتنيق عانينا وشكنهم مش عانفين احنا مين

مرمطه: يبقى نعرفهم جرى ايه ياد منك له شايفبن نفسكوا عالفاضى ليه:0070:

محمد: لالالالا احنا لا بنتهز من الليالى ولا بنخاف من الصوت العالى

شقلطه: ياد ماتخلنيش اتغابى عليكوا

ميزو: (لقى محمد سخن قال يدوس معاه) يابوب كشكشها وبلاش تعيشها

حزنقهم الاخنف: العيان دى زادوا فيها اوى يامعنم

ميزو: حاسب ياد منك ليه داللى يجيبنا نوديه ومانبقاش عليه

شقلطه: انت سايب يامعلم عيلين زى دول يعلوا صوتهم علينا

محمد: احنا ولا بنخاف ولا بنطاطى ولا بنحب الصوت الواطى

مرمطه: الواد دا راوشنى محدش فيكو يحوشنى

ميزو: اللهم اغزيك ياشوشو سيبوه محدش يحوشوه

مرمطه: جرى ايه ياد انت بترد عليا كلمه بكلمه طب ودينى مامخليك تشوف بيتكم تانى

محمد: طب اهدى وقول هديت لا يقولوا عليك عبيط

شقلطه: انت حافظلك بوقين جاى تعرضها بيهم :0070:

ميزو: ياعم عيش وعرضها وسيبنا نلم ايرادها

محمد: من الاخر يارجاله انا والراجل دا مفنشين فلوس .. فاشوفوا اخركوا ايه؟:0070:

كبير العفرته: يعنى كنت بتضحك عليه ياروح امك:ar!

محمد: (اتخنق ووشه احمر وبقى شكله غبى ) انت بتجيب سيره امى يابن ال*** ..

ورفع ايديه بعزمه واداله حته قلم ...كل اللى وقفين فوجئوا

ميزو: ايه اللى انت عملته دا يخربيتك داحنا كدا هانتفرم

محمد بص لايده وبص للواد البغل وهو حاطط ايده على وشه

فجأه سوق السلاح كله اترفع عليهم ..

كل واحد منهم اللى شايل سكنتين واللى شايل مطوه واللى معاه خنجر واللى ماسك موس


ميزو: (وشه جاب الوان الطيف كلها ) هانتصرف ازاى دلوقتى

محمد: دا سؤال تساله ياغبى يلا نجرى

والاتنين لفوا وشهم وخدوا الشارع جرى زى الطلقه

والعيال وراهم بالسكاكين

لحد ماوصلوا على اول الشارع كان فيه نور وناس وزحمه وكدا
العيال التانيه مقدرتش تكمل جرى فى الشارع بالسكاكين اللى معاهم

وقف ميزو ومحمد ياخدوا نفاسهم

ميزو: الله يخربيتك كنا هانموت بسببك النهارده:t

محمد: ياعم عدت على خير يلا نروح لان بجد اعصابى تعبانه ومش قادر من الجرى

ميزو: لا انا هاروح ابات فى البيت بقى واعدى عليك بكره عشان الكليه

البت ريم عماله ترنلى طول ماحنا مع سلمى وبوسى وانا مكنتش عارف ارد عليها

محمد: خلاص غور انا مروح سلام

محمد وميزو فى طريقهم كل واحد لبيته

الساعه ناو 1:30 ص بعد منتصف الليل

محمد وصل للبوابه بتاعه العماره بيفتح لقى اللى محدوف فى ضهره تك

بيبص لقاه فرده الكوتش بتاعته

طمطم: ازيــــــــــــــــــــــــــــــــــك:i

محمد: الله يحرقك

طمطم: كنت سهران مع مين ياصايع لحد دلوقتى

محمد: صايع ايه يابنت الجزمه ماتحترمى نفسك انتى هاتصاحبينى

طمطم: الحق عليا انى سهرانه بعد النجوم مستنياك

محمد: وطلع عددهم كام ياكالكيولاتور

طمطم: ايـــــــــــــه كلكللملمملوتر دى

محمد: جاهله بنت جاهله وهاتضيعى وقتى يعنى هاتعمليلى فيها اله حاسبه بروح اهلك نجوم ايه اللى بتعديها
غورى من وشى مش فايقلك

طمطم: معلش معلش والله هاتعلم انا وعدتك انى هاتعلم وهابقى شاطره وانت معنتش بتعلمنى حاجه خالص وسايبنى لحد مافشلت تانى

محمد: اوعى جتك القرف اعلم واحده بتقول عالموبايل نوبايل دانتى حاجه زفت وهاتفضلى معفنه زى مانتى كدا

(وقام زاققها وداخل البوابه وطالع فوق)

طمطم فضلت تسمع فى الكلام بتاعه دا و اول مره ماتردش عليه وقامت سايباه وماشيه راحه بيتها وفضلت تعيط جاااااااااااااااامد جدااااااااااا لواحدها

***

محمد وصل لباب الشقه بيفتح بالمفتاح بالراحه عشان ابوه مايقلقش ويعرف انه كان سهران لحد دلوقتى

وفضل داخل يتسحب يتسحب لحد ماوصل لاوضته

لقى النور مطفى بيولع النور لقى اخته قاعده عالكمبيوتر بتاعه بتلعب

اول ماشافوا بعض هما الاتنين اتخضوا وصرخوا فى وش بعض( ااااااااااااااااااااااه)

محمد جرى على بق ياسمين كتمه


محمد: (بصوت واطى وهو متغاظ) انتى ايه اللى مقعدك عالجهاز بتاعى يابت انتى؟

ياسمين: (بصوت واطى)مانت كنت سهران بره مع البنات قولت اشغل جيمز لحد ماتيجى

محمد: هس هس بنات ايه قومى فزى نامى وماتعرفيش بابا انى كنت سهران بره

ياسمين: طب هات بوسه وانا مقولوش

محمد: بوسه ايه يخربيتك انتى اتعلمتى الكلمه دى منين؟

ياسمين: اصل انا دخلت على سايت بهدله اللى انت مشترك فيه دا لقيت حبه عيال ثافله بيقولوا كدا للبنات

محمد: طب وانتى بتقرى ليه كدا مش دا عيب

ياسمين: اه منا كنت مفكره كدا لحد ماقريت ردود البنات ولقيتهم بيضحكوا وفرحانين مش مضايقين ولا حاجه

فاقولت يبقى دا مش حاجه عيب بقى

محمد: هما دلوعه وسمسمه اللى مودينا فى داهيه بمياصتهم دى

ياسمين: لالا وفى كمان بت بتحب المسخره دايما اسمها نهايه الحب وبترقص مع مونى شقاوه صاحبتها فى الشقه على ذكى ياذكى

ابيه محمد انا عاوزه ابقى اجيب هبه صاحبتى ونيجى نرقص على الاغنيه دى زيهم عشان خاطرى

محمد: يخربيتك انتى معنتيش تدخلى على بهدله دى تانى .. (فى سره) الحمدلله انهم منعوا صور النساء من التوقيعات

ياسمين: انا جيت اسجل عليه قالى ماينفعش لقيت واحده مسجله باسم ياسمين ياسو وادايقت اوى منها

محمد: وانتى كنتى عاوزه تسجلى ليه اصلا

ياسمين: عشان سبب واحد.. كان نفسى اسال العضو اللى اسمه (اوعى وشك) دا

خايلنى كل شويه اوعى وشك اوعى وشك وبفضل ابعد وشى عن الشاشه ومش راضى يزقل اللى فى ايده

محمد: ههههههههههههه طب روحى هاتيلى كوبايه ميه عشان اخد الحبايه دى لانى جاى مصدع اوى

ياسمين:ال د. هدير اللى مدياك الحبايه دى

محمد: د. هدير مين؟

ياسمين: pharmacy اللى معاك فى بهدله

محمد: يخرب عقلك انتى لحقتى حفظتى كل الاسامى دى

ياسمين: يابنى السايت دا اساسا تحفه كله لذيذ واعضاءه دمهم خفيف ان شاء الله هاحاول اشترك فيه بردوا من وراك وهابقى اعاكسك

محمد: هههههههههه طب يالله هاتيلى الميه امشى


ياسمين راحت جابت ازازه وكوبايه ميه لمحمد اخوها

محمد اخد الحبايه وشرب المايه

ياسمين: اكملك بقى فى كمان .......

محمد: (يقاطعها فى الكلام ) اقفلى الباب والنور واخرجى من الاوضه

ياسمين:

طب خلاص بقى هاروح انا اتفرج على فيلم (ماتزوقنيث ياحبيبى بالياحه اصل انا واقفه على الحيف )

محمد: ههههههههه طب تصبحى على خير ياثكره

ياسمين تقوم بايساه من خده وتقفل باب الاوضه والنور وتخرج بره عشان ينام


:I:I
****************************************

تم انتهاء اليوم التانى ....ولسه في تانيييييييي بعد كدا الجزء هيبقي ب 5 جنيه (مصلحتك اولا)