[center]السلام عليكم


نكمل الموضوع:




مكتب رئيس الاكاديميه


د.نفسنه : لو سمحت يادكتور انا مش طايقه العيال دووووووول ..جننونى ..

محمد:لالا لو سمحت احنا مستلمينها كدا

د.نفسنه: سامع حضرتك

ميزو: يعنى هو واقف على اول الشارع ماهو قاعد قدامنا اهو

رئيس الاكاديميه: جرى ايه يابنى انت وهو مفيش احترام لوجودى...

كل واحد فيكوا يحط لسانه جوه بقه

محمد: شور يعنى ماهو جوه بقى يا dr اومال هاشيله فى الهاند بااك ..
فين لسانك ياد ياميزو؟

ميزو: لولولولولولولولولولولولولولووووووووووووووووووووووو ى

محمد:هو دا ..كونتنيو بقى ..

ميزو: حبيبى :007:

د.نفسنه: شايف يادكتور قله الادب والوقاحه بتاعتهم اهم على كدا طول المحاضرات بتاعتى وكل مره بطردهم بسبب سفالتهم دى

رئيس الاكاديميه: تسمحوا ماحدش فيكم يفتح بقوا

قولى يابنى انت اسمك ايه؟

ميزو: (ضامم شفايفه وعمال يهز دماغه وكاتم نفسه) وعمال يزووم

رئيس الاكاديميه :انت بتعمل كدا ليه..افتح بقك وانطق

ميزو : اخد نفس (هوووووووف) ماكان من الاول كنت هاموت فيها الله يخربيت .....

رئيس الاكاديميه: قام ماسكه من التى شيرت يخربيت مين ياله؟

ميزو: يخربيت ام اللى يزعلك

محمد:(بيوشوش ميزو) بتجيب ورا يادزمه؟:

ميزو: اه ياعم وهاشغل الانتظار كمان ..انت مش شايف ايده عامله ازاى

رئيس الاكاديميه :اتفضل انت وهو اعتذروا للـ د. نسمه وماسمعش انكم كررتوا المهزله دى تانى فى محاضرتها فاهمين

محمد وميزوا فى صوت واحد :اوكى يادكتور ...اسفين ياد. نفسنه (سورى سورى يا د. نسمه :i:i)


ميزو ومحمد خارجين من مكتب رئيس الاكاديميه بيضحكوا لقوا ريم وميرنا واقفين بره



ريم جرت على ميزو تطمن عليه وتعرف ايه اللى حصل

وميرنا فضلت واقفه محروجه تروح هى لمحمد بسبب التاتش الاخير اللى بينهم




ريم: ها طمنى ايه اللى حصل جوه؟

ميزو: حصل وطحينه

ريم: لا بجد عملولكوا ايه؟

ميزو: انا اتعملى شاى بلبن ومحمد طلب نسكافيه

ريم: انت هاتصيع ؟ ليه انتوا كنتوا فى قهوه

ميزو: طب ماتيجى نعمل بن سوا

ريم: بطل قله ادب

ميزو: احبك وانتى فهمانى


محمد: مايالله ياعم كزانوفا خلينا نمشى فى ليلتك دى
ميزو: ثوانى يامعلم بظبط الفولت وبرفع الشعار والمزه بدات تنهار

ريم: ماتستنوا شويه يامحمد عشان خاطرى عشان خاطرى


محمد: لالالا ورانا ميعاد ناو مش هاينفع نتاخر

وبعدين صاحبتك واقفه لواحدها بردوا خلوا عندكوا دم


ريم: اوكى اشوفكم بكره بقى

ميزو : على مسدات ياقطتى


محمد وميزو خارجين من الجامعه ناو ..الساعه 4.00



ميزو: واد يامحمد البت ريم دى صاروووخ

محمد: طب اهدى احسن تفرقع فينا

ميزو:ولا مشيتها ياخراااااااشى عليها وهى بتتقصع يمين وشمال كدا :0032:

محمد:ناولنى انت المفك وانا اعملها ضبط زوايا

ميزو: لالالا انا عايزها كدا سايبه حلاوتها فى مياصتها

محمد: سايبه ايه ياعم انت ماشى مع كيس جيلى

ميزو:واد انا بدات اتووووه من كتر التفكير فى البت دى:i

محمد: ياعم توووه انت بس وانا ابعتلك مسج للمزه تيجى تدور عليك بالـ BMW

ميزو: حبيب قلبى

محمد: ياثافل
(يالله يواد عشان نلحق نروح نغير هدومنا ونتفق مع الشله نشوف هانقضيها فين النهارده هاكلمك بعد اظبط نفسى )

ميزو:بيــــــــــــــــس يامان:bd

محمد: وانت من اهله


محمد وصل لبيته بيخبط تك تك تك

والده محمد :(من جوه) ميـــن؟

محمد: (من بره) مش انا

والده محمد: فتحت الباب وبصتله انت جيت

محمد:هو لسه ام السؤال الغبى دا عايش.. لا ياستى لسه مجيتش تحبى اجيبلك حاجه وانا جاى

والده محمد: ماهو دا اللى انت فالح فيه ..التريقه

محمد: مش احسن مالناس تقول على ابنك مش فالح فى حاجه خالص ولا لازم تترسمى عليا كل يوم

والده محمد: اترسم عليك ليه انت لوحه ههههههه

محمد: لوحه وبتضحكى ..هاتعمليلى فيها الوان خشب قومى ياست انتى حضريلى الغدا

والده محمد: الاكل عالطرابيزه ياحبيبى محضرهولك انا هادخل انام شويه لحد مابوك ماييجى عشان شغل البيت هدنى

محمد: ياحلاوتك ياست الحبايب وانتى خاليه من الكوليسترول


محمد قاعد بياكل وسمع خبط عالباب تك تك تك

(فضل ياكل ومنفض الخبط زااد تك تك تك تك تك تك تك )


والده محمد (قلقت من النوم) انت جالك طرش مش سامع الباب بيخبط

محمد: فيه حاجه اسمها الباب بيخبط اصلا ..طب هايخبط ازاى على نفسه دا .. اسمها خبط عالباب:i

والده محمد: (وهى راحه تفتح الباب) يخربيت لماضتك

ابو محمد: السلام عليكم ..مالكم عاملين زى ناقر ونقير ليه كدا

والده محمد:وعليكم السلام..ابنك هايفقعلى مرارتى

محمد: ازيك يابابا

ابو محمد: ايه ياله مزعل امك فى ايه

محمد: يابوب دى بتدلع بس فكك منها تعالى كل

ابو محمد: افكنى منها ايه ياله دى امك

محمد: يابوب منا عارف انها امى اومال يعنى ام الخلول

ابو محمد: طب ياعم اللمض قولى عملت ايه النهارده فى الكليه

محمد :الحمدلله

ابو محمد: اوكى الحمدلله عامل ايه يعنى بتذاكر ولا ايه ظروفك

محمد: لالا ماتقلقش يابابا انا تمام و كله فى الكليتش

ابو محمد: كليتش يابنى انت بتجيب الكلام دا منين

محمد: واخده من صاحبى بلوتووث ماتشغلش بالك انت:i

ابو محمد: ماشغلش بالى ازاى انا ابوك ولازم اطمن عليك

محمد:*فى سره*(هايعملى فيها بقى عنتر ابن شداد اكن مفيش حد عملها وجاب عيال غيره)

طب ثوانى يابوب هاعمل فون مهم وجاى

::تررن تررن::تررن تررن::تررن تررن


Alooooooooooooo::

ميزو : ايوه ياكبير ايه اخبار العصافير ؟

محمد: طاروا فى الهوا من غير ماياخدوا الدوا ...


انت فين ياد يابن الدزمه مش ورانا ميعاد مع ناس ؟

ميزو: ياكبير الناس مستنيه وكله ميه ميه ...الواد طارق جاهز ومستنينا عند الواد محمود فى شقته وهاتولع يامعلم

محمد: طب فله :i بس واد انا مش عارف اخلع من ابويه

ميزو: ياميدو النهارده الخميس خليك لذيذ وسيب ابوك يعيش

محمد: يعيش ايه بروح امك امى نايمه وهوا كابسها عالغدا وهايدخل يترمى عالسرير...انت خرجت ازاى؟

ميزو: يابا انا ابويه اول ماجه.. بعتله *كلمنى شكرا* لابليس..ييجى يعملهم احتفال بمناسبه مولد سيدى العريان

محمد: دانتوا عيله مسخره

ميزو: حبيب قلبى

محمد: كنسل نفسك ناو هو دخل نام اهو انا جايلك يامعلم