[center]السلام عليكم يا شباب دا اول موضوع ليا اتمني انو يعجبكم

نتكل شبابي علشان نفرفش




هاللو ايفرى باددى ... ذيس ايذ بيوتيفول


****************************************

.. راح ميزو الصبح لصاحبه محمد عشان يصحيه للكليه

بيخبط عالباب تم تم تك تك تم تم تك

فتحت والده محمد فجاه الباب وهو منسجم فى التخبيط وكانه بيطبل ومستقنيص عالاخر

والده محمد: انت عبيط ياله

ميزو : (وشه احمر) ايااام سو سورى ياطنط حقيقى سورى افتكرت محمد اللى هايفتحلى هههههههههههه

والده محمد: طب ادخل ياخويا صحيه اهو مخمود جوه كان سهرانلى لوش الفجر عالنت

ميزو : اوكـــــــــى ... داخل على محمد الاوضه وقفل الباب وراه وفجاه نط عالسرير جمب محمد وخبطه بالمخده ..ومع نفسه كدا قام قايل بصوت عالى (yaho0o0o)

محمد : (قام بفزع) ايه يابن المجنونه

ميزو: حبيبى .... قوم يالله يامعلم البت ريم عماله ترزعنى فى مسدات من بعد الفجر عشان اروحلها عالجامعه

محمد: ايوه يعنى انت عاوز ايه دلوقتى

ميزو: ايه يامان الوش الغامق دا عالصبح

محمد: وش ايه ياعم بصباحك لاسود دا ..غور ياد انا عاوز انام

ميزو : تنام ايه ياكبير بقولك ريم.. يعنى المعادى ..يعنى البى ام دابليو .. يعنى اشيك بنت جابتها مصر ..

وبعدين دى مصممه انى اجيبك دى جايبه معاها البت ميرنا اللى كنت معجب بيها قبل كدا سسسسس

محمد: بجد ميرنا جايه ايه دا لالا ياعم انا تعبان وعاوز انام يولعوا بجاز

ميزو : حبيب قلبى (ويفتح ازازه الميه ويغرق بيها محمد بالسرير وهوا بيطنطط )

فجأه والده محمد دخلت عليهم لما سمعت الهيصه

والده محمد: انتوا بتعملوا ايه غرقتوا الاوضه ونكشتوا السرير لسه داخله عليهم ميزو قام جارى عالبلكونه

وقامت ضاربه محمد على ضهره قوم بقى يامنيل الساعه بقت 8 هاتتاخر عالكليه انا جهزتلكم الفطار

محمد: 8 ايه يا ماما انتى هاتكدبى اذا كان الحيوان دا قايلى ان احنا الفجر من شويه

امه بصتله بخنقه ومرديتش وخارجه من الاوضه بتقول (قوينى يارب على مابتلتنى )

محمد: سامعك على فكره وانتى بتبرطمى

والده محمد: (وهى على باب الاوضه ) انا ببرطم ياقليل الادب وقامت خلعه الشبشب وحدفاه نحيته

ميزو: خدت بالك ياد يامحمد وانا بطير عشان امسك الشبشب من الهوا عشان مايجيش فيك

محمد: ياعم انت هاتعملى فيها سوبر مان اوعى خلينى الحق اقوم اظبط نفسى عشان نلحق نظبط مع المزز قبل محاضره الدكتوره نفسنه

(ويت بقى اقعد عالنت لحد مارستق نفسى واجلجل شعرى )

ميزو: حبيبى

محمد: اتفوه عليك

بعد نص ساعه

محمد قال لميزو ايه رايك فى الروشنه دى

ميزو : بى كووووووووووول يامان

محمد: طب يلا يازفت قوم زمان البنات حمضوا فى الشمس

ميزو: طب والفطار اللى طنط حضرته

محمد: ياعم هانبقى نخليهم يعزمونا على فطار هناك بس فك نفسك من عالنت

(قام ميزو مع محمد وهما خارجين والده محمد شافتهم متسربعين وسايبين الفطار كدا على غير عادتهم)

والده محمد: ايه الشياكه دى كلها انتوا رايحين الجامعه تدرسوا ولا رايحين تتجوزوا

محمد: يعنى هو لازم اروح الجامعه معفن عشان تعرفى انى رايح ادرس

ميزو: (بصوت واطى) ياعم فكك منها دى قديمه وهاتصدعنا يلا بينا

محمد: (بصوت واطى) ماتحترم نفسك ياروح امك دى بردوا امى

والده محمد: بتتودودوا فى ايه كدا بصوت واطى

محمد : ايه ياماما انتى بقيتى حشريه اوى ليه كدا

والده محمد : (بغضب) انا حشريه يا*** وبالفرده التانيه من الشبشب وبتحدفها فيه

محمد نزل راسه جت فى ميزو قاموا فاتحين الباب ونازلين جرى عالسلم

رجع محمد تانى وفتح الباب

محمد: بابا بيشتريلك الشباشب عشان تلعبى بيهم الطبق الطاير ومابتعرفيش تنشلى (ونزل خد السلم جرى وهو بيضحك)

والده محمد: اضحك اوى يارمه مانا معرفتش اربيك


(الطريق الى الجامعه ..الساعه ناو 9:30)

محمد: تفتكر ياد ياميزو هانلاقيهم مستنيينا ولا علقوا مع عيلين سيس غيرنا

ميزو: ياميدو ماتقلقش هانروح نلاقى مكياجهم سايح وجيبيتهم ساقطه وهاتولع يامعلم (دونت وورى يامان)

محمد: اهو انا مش قلقان غير من كلام اهلك دا وربنا

ميزو : اهلى ايه وزمالك ايه بقولك دونت وورى هانتكحرت النهارده

محمد: هش ياد المزز اهم

ميزو : شغل الفيبريشن يابو اشرف عشان هاستقبل مسداد

محمد: مين يابا

ميزو: حبيب قلبى اوعى تغير المحطه ..يالله ندوس عالارض عشان نوصل للمزز

محمد: هما مالهم بيبوصولنا بقرف كدا ليه ياد شكلهم هايتغابوا

ميزو: لالا هى كل البنات لما بتقف فى الشمس بتطلب معاهم بيبقى شكلهم كدا

محمد: طب عرف الامورتين بقى انها طلبت رقم غلط ومش احنا اللى يتعمل علينا دور ويرسموا علينا الوش

ميزو: طب بس بس تعالى نسلم بقى عليهم(هاى ياريم هاي ميرنا اخباركوا ايه؟)

ريم: ايه ياميزو اتاخرتوا ليه كدا ميرنا كانت مضايقه خالص وزهقت وكانت هاتمشى

محمد: طب وايه اللى خلاها تستنى بدام زهقت

ميرنا : سلام ياريم

ريم: ايه دا لالا سلام ايه ياميرنا دا بيهزر معاكى
(خليكى جدعه بقى دا واد امور بس هو يعنى زعل لما عرف انك كنتى هتمشى وكدا وكرامته بقى معلش عشان خاطرى)

ميزو: ايه يامان بالراحه عالجيرل شويه

محمد: بالراحه ايه ياعم هوانا بديها حقنه
(فكك منها عيش انت مع ريم وانا هاظبط الاريال على قناه الجزيره عشان اجيبلك البحر والشجر واعملك جو رومانسى )


ميزو: بص بص ميرنا جت تانى مع ريم (اهدى بقى عليها ياصاحبى البت دى رقيقه زياده عن اللزوم وبتتكسف من اقل حاجه)

محمد: ياعم كلهم بيظهروا انهم بيتكسفوا فى الاول وفى الاخر يطلعوا بيتفرجوا على افلام قبيحه (هس هس جم )

ريم: هاى ياجماعه سورى عاللى حصل ميرنا بتعتزرلك يامحمد معلش

ميرنا : ايه ياريم الله هو انا اللى هاعتزر انا مش غلطانه

محمد: ايه ياريم محدش طلب منها اعتذار عن حاجه (الانسان العاقل هو اللى يحس بخطأه لواحده ويتاسف عليه)

ميرنا : اوكى بس انا مغلطش فيك

محمد : اومال اول ماجينا قولتى سلام ومشيتى ليه (شايفه ان دا مش غلط)

ميرنا : مش انت اللى حرجتنى وقولتلى امشى

محمد: انا قولتلك كدا لانك حرجتينا بعقلك لما فكرتى ولو للحظه انك تمشى قبل مانيجى لمجرد اننا اتاخرنا شويه وكان عندنا ظروف جامده جدا

ميرنا : بجد انا اسفه مكنتش فاكره ان اللى عملته دا غلط فى حقكم بالشكل دا

محمد: واد ياميزو خدتش بالك انت وانا بركبها الغلط فى منت

محمد: لا ماتتاسفيش ياقمر احنا اخوات

ميرنا : ميرسى

محمد: على ايه؟

ميرنا : انك بتقول عليا قمر يعنى

محمد : لا عادى دى مش كلمه خصوصى يعنى دى بقولها لاى بنت على فكره

ميرنا : (وشها احمر) اوكى سورى مخدتش بالى

محمد : فى واحده فى سنك تمشى من غير بالها

ميرنا : هههههههههههههههههههههههههههههه

محمد: يخربيت جمال ضحكتك ...ايه يابت الضحكه دى كنتى مخبياها فين

ميرنا : فى الشنطه هههههههههه

محمد: المفروض اضحك دلوقتى

ميرنا : محمد ايه دا انت كدا كسفتنى بجد

محمد: ليه هو انا طلبت منك بوسه

ميرنا: (بزهووول) حطت ايدها على وشها وبتضحك وودت وشها الناحيه التانيه مكسوفه منه

ميزو : ايه يامان شايفك مظبط العمل عالاخر

محمد: ايه اللى جابك دلوقتى يادزمه

ميرنا راحت جرى لريم وهى فطسانه من الضحك ووشها احمر ومكسوفه عشان تحكيلها اللى حصل بينهم وكدا

ريم: مالك يابت ضحكينى معاكى ايه اللى حصل قولى قولى

ميرنا : بجد دا فظييع

ريم: قشطه احكى احكى

ميرنا : دا بيقولى هاتى بوسه كدا من اول يوم مقابله لينا مع بعض

ريم: ايه دا بجد دانا بقالى مع ميزو شهرين وعمره ماطلب حاجه زى دا

ميرنا : هههههههههههههههه يابنتى دا حاجه تانيه خالص فيه صفات كتير حلوه والصفات الوحشه فيه لذيذه

ريم: اوبــــــــــــــــا وقعتى يامرمر ومحدش سمى عليكى

ميرنا : وقعت فين ايه الكلام دا

محمد وميزو جم من وراهم فجأه

محمد: فى الحفره

ميرنا : حفره ايه دى ؟

محمد: حفره حبنا

ميرنا: انتوا بتهزروا ولا بتتكلموا بضحك ههههههههههههههه

محمد: مين البت العبيته دى لاقياه فى كيس شييبسى دى ولا ايه ياريم

ميرنا : انا عبيته ميرسى اوى لزوقك ..سلام ياريم

محمد: (وبصوت عالى) خدى ريم معاكى هاتعلمليلنا فيها مى عز الدين

ميزو : وتاخد ريم ليه وانا مال امى انا هو كان يوم اسود يوم ماقولتلها تجيب صاحبتها معاها

محمد: ماخلاص ياد انت هاتعيط .. يالله يادزمه عالمحاضره د. نفسنه زمانها دخلت القاعه

محمد وميزو داخلين جرى القاعه لقوا دكتوره نفسنه بتبصلهم بغباااوه




د. نفسنه: اهلا انتوا شرفتم

ميزو: لا لسه

د. نفسنه: مالسه بدرى يابهوات


محمد: طب يلا ياميزو نقف بره 10 دقايق لحد ما الدكتور تيجى


د.نفسنه:خد هنا انت وهو

محمد وميزو: بيبصوا لبعض باستغراب

محمد:ماتبصليش كدا انا عن نفسى مش هاخد هنا

ميزو: ولا انا هاخده انت عاوز تدبسنى

محمد: انت عارف ان هنا مابيطقنيش ولو انا خدته مش هنعرف نتعامل مع بعض

ميزو: وانا اعملك ايه انا لو اخدته هايبهدلنى


د.نفسنه: انتوا بتقولوا ايه


محمد وميزو فى صوت واحد مرتجف وخايفين (معناش حاجه ناخد فيها ساعدتك )


وبعدين احنا مش محتاجين والله


خدى انتى هنا وخدى هناك وخدى بالك وخدى البت ميرنا براحتك ولا اكننا موجودين

القاعه كلها فطسانه من الضحك عالموقفومنظر الدكتوره وهى متعصبه
د.نفسنه: قدامى انت وهو لرئيس الاكاديميه يانا يانتم فيها




تم بحمد الله و اتمني انو ينال اعجابكم و تفرفشو